HJELP BARNA I AFRIKA

GENERELT OM PROSJEKTET

Når ein tilbringer litt tid i Afrika, slår det ein verkeleg kor priviligerte me er i Norge, Me har alt me treng og meir til...

Mange som drar med meg på tur, henvender seg til meg etterpå med eit brennande ønske om å gjera noko for dei aller fattigaste. Eg har derfor starta opp eit prosjekt for å samle inn pengar i Norge.

Pengane skal gå til to forskjellige prosjekt i Afrika. Eg vil hjelpe Michael Kilawila, som er min samarbeidspartner på Kilimanjaro. Han har i mange år prøvd å hjelpe barn av avdøde Maasai-foreldre med skulegang og den daglige føde. Det andre prosjektet blir drevet av min venn Håkon Askerhaug, som eg klatra Denali med i 2003. Han har jobba som flypilot i Sierra Leone, og sett på nært hold følgene av borgerkrigen som herja der i mange år. Derfor starta han sammen med kollegaer ein barneheim i Freetown, hovedstaden i Sierra Leone.

Dei innsamla midlane vil derfor med jevne mellomrom delast i to like store deler, og bli brukt til desse to prosjekta:

ORKILILI SECONDARY SCHOOL
Skulens eigar, Miss Yohana Mcha, har tatt til seg 18 Masaai-barn der faren er død, og mora derfor ikkje er i stand til å ta seg av barnet og sørge for at det får mat og skulegang. Det kostar Yohana ca. kr. 9,- pr. elelv pr. dag i utgifter til lærerlønninger, mat, vatn, bøker osv. Dette er pengar som ho ikkje får dekka frå myndigheitene, og ho er derfor heilt avhengig av støtte frå andre for å klare dette.

FIRST STEP
Håkon starta denne barneheimen for nokre år sidan. Sierra Leone er blant dei aller fattigaste landa i Afrika, mykje på grunn av den forferdelige borgarkrigen som herja landet i mange år. Dei har no ca. 20 barn som dei har ansvaret for. Barneheimen er heilt avhengig av støtte frå omverda for å klare utgifter som husleige, mat, straum osv. Les om prosjektet på First step si nettside.

Eg, Michael og Håkon vil med jevne mellomrom komme med oppdateringer om statusen i prosjekta, om kor mykje pengar som kjem inn og kva dei blir brukt til.

Kontonummeret til prosjektet er: 3632 55 86588

Dersom du ønsker å støtta desse prosjekta, kan du velga sjølv om du vil overføra ein eingongs-sum eller om du vil oppretta ein fast trekk-avtale, slik at ein viss sum vert overført til denne kontoen kvar månad. Dette avtaler du i tilfelle med din eigen bank.

Eg håpar verkeleg at så mange som mogeleg har lyst til å vera med å støtte, slik at me verkeleg kan bidra til ein betre kvardag for desse barna.