DET BESTE AV SØR-AMERIKA

Dersom ein fekk valget om kva tre attraksjonar i Sør-Amerika ein ville oppleva på ein tur, ville nok veldig mange svart Machu Picchu, Amazonas-jungelen og Titicaca-sjøen. Eg har derfor satt sammen ei reise som inneheld blant anna desse attraksjonane.

Snøkledte fjell (Andesfjella), ørken med nokre av verdas største sanddyner (Ica-ørkenen), fuktig jungel (Amazonas), høgfjellssletter over 4000 meter (Altiplano), verdas høgaste "navigerbare" innsjø (Titicaca) og Peru sin mini-versjon av Galapagos-øyene som ligg langt ute i Stillehavet (Ballestas-øyene). Og det beste av alt er at alle desse attraksjonane inngår i min Peru-tur! I tillegg kan du fly over dei verdensberømte Nasca-linjene i småfly (frivillig). Tilbakemeldingane frå alle som har deltatt er eintydige, dette er ein tur der ein får utruleg mange inntrykk og opplevelsar i løpet av litt over to veker.

Men sjølv om høgdepunkta står i kø dei 17 dagane turen varer, er det sjølvsagt trekking-turen langs Inca Trail fram til Machu Picchu som vil vera den største opplevelsen for dei fleste. Dette er ein 4-dagers trekking-tur (3 overnattingar i telt). Turen er lettare enn Kilimanjaro, og det høgaste passet me passerer er 4200 høgdemeter. Høgaste overnatting er på omlag 3500 høgdemeter. Du treng ikkje vera redd for snø og kuldgrader sjølv om du til tider er høgt til fjells. Det er sjeldan det intreffer i dette området.

Når ein også får besøke Inka-hovedstaden Cusco og fleire viktige historiske kulturminner, samt ein av verdas største byar Lima, seier det seg sjølv at det er lite tid til å kjeda seg!

Les Anna-Maries inspirerande oppdateringar frå turen hausten 2009.

Sjå bilete frå turen hausten 2008.

PRISEN INKLUDERER

PRISEN INKLUDERER IKKJE

REISELEDAR

På alle mine turer ber eg deltakarane fylle ut eit evalueringsskjema etter turen. Anna-Marie får nesten konsekvent 10 frå alle deltakarane!!! Det er maksimal score...

Følg Anna-Marie og Cato på eventyr i Duva akkurat no.

TRANSPORT

OVERNATTING

MAT

TUREN DAG FOR DAG

Dag 1:
Me flyr frå Norge til Lima i Peru med KLM via Amsterdam.

Dag 2:
Me flyr frå Lima over Andesfjella til Puerto Maldonado langt inne i Amazonas-jungelen. Frå Puerto Maldonado blir me frakta i motoriserte kanoar oppover elva Madre de Dios til dei eksotiske jungel-bungalowane som me skal bu i dei neste to nettene. Me drar ut på tur i området, både til fots og med kano. Me studerer det særegne dyrelivet i jungelen, blant anna apekattar, papegøyar, piraia (kanskje får du ein på kroken...), skilpadder og kanskje til og med den sjeldne elve-oteren + mykje anna. Det eksisterer ikkje malaria i dette området så du treng ikkje malaria-vaksine for å vera med på denne turen.

Dag 3:
Me fortsetter utforskinga av dyrelivet i området og me drar kanskje på båt-tur til ein liten innsjø i nærleiken. Me besøker kanskje også ein shaman, som er den lokale medisinmannen (heksedoktoren!) for stammefolket som lever i nærleiken av Puerto Maldonado. Detaljane i programmet mens me er i jungelen vert bestemt ut frå kva guidane meinar er mest spesielt akkurat når me er der.

Dag 4:
Me blir frakta i kanoar tilbake til Puerto Maldonado og deretter flyr me til Cusco, Incaene sin kulturelle hovedstad - ein heilt spesiell by som ligg 3400 moh. Me utforskar denne byen, som mange meiner er den mest spennande byen i heile Sør-Amerika. Me besøker mange flotte turistattraksjonar både i byen og i fjellsidene rundt.

Dag 5:
Me tilbringer ein dag med sightseeing i Cusco. Me besøker katedralen, sol-tempelet og nokre svært imponerande ruinar i fjellsida over Cusco. Dette er også ein perfekt dag for akklimatisering til Inca Trail.

Dag 6 - 9:
Me blir transportert til startpunktet på Inca-trail. I løpet av fire dagar vandrar me denne berømte stien fram til me får oppleva å sjå Machu Picchu frå det berømte utsiktspunktet Sungate. Bærarane våre tar seg av bagasjen vår og kokken ordnar dei mest imponerande måltid. Me skal over tre fjellpass på den 44 kilometer lange vandringa. Når me når fram til Machu Picchu får me først ein historisk og kulturell omvisning før me får tid til å nyta denne fantastiske staden på eigen hånd. Det er ikkje så mykje meir å sei om Inca Trail og Machu Picchu... det må opplevast! Dette er høgdepunktet på heile turen, og vil gje deg minner som du aldri vil gløyma.

Video (3,8Mb)

Dag 10:
I dag køyrer me over Altiplano-sletta i ein komfortabel buss. Me besøker nokre Inka-ruiner på vegen - ein perfekt måte å få strekka på beina av og til. Me køyrer over eit av dei høgaste fjellpassa i Andes-fjella, me er faktisk oppe i nesten 4400 meter i buss! Titicaca-sjøen glitrar i bakgrunnen i det me køyrer inn i Puno der me ovenattar.

Dag 11:
Me besøker dei heilt spesielle flytande øyane Uros i Titicaca-sjøen. Her tilbringer me lang tid og får ein skikkeleg omvisning og me får sjå korleis dei bygger desse øyane, og korleis samfunnet fungerer her ute. Me vert også med på ein båt-tur i ein sivbåt som ser ut som ein liten versjon av Kon-Tiki, flåten som Thor Heyerdal fekk bygt ved Titicaca-sjøen i 1947 og som han segla frå Lima til dei Polynesiske øyane Raroia.

Dag 12:
Me flyr tilbake til Lima og tar deretter buss sørover Stillehavskysten til byen Ica som ligg eit lite stykke inn i landet.

Dag 13:
Me bur nede i ein fantastisk lagune som ligg ved ein oase i ørkenen. Dei som ønsker det kan ta ein flytur over dei verdensberømte Nasca-linjene denne dagen. Store sanddyner omgir lagunen, og me kan også dra på ørken-safari med artige beach-buggies! Eller me kan stå på snowboard ned dei bratte sanddynene... Dei to dagane i Ica er først og fremst for å få ein roleg avslutning på turen. Derfor er alle aktivitetar her frivillig og ikkje inkludert i prisen. Mange vil nok berre nyte sola ved bassengkanten. (Flyturen over Nasca-linjene kostar US$ 170,- pr. november 2008).

Dag 14:
Avslapping ved bassengkanten i Ica. Kanskje tar me ein spasertur i dei gigantiske sanddynene som omgir lagunen, eller du kan evt. prøva nokre av aktivitetane som er nevnt på dag 13.

Dag 15:
På veg tilbake til Lima stoppar me ved Stillehavskysten for å ta ein båttur ut til Ballestas-øyene. Dei vert kalla Peru sine Galapagos-øyer, fordi dei har eit svært spesielt dyreliv. Me får kanskje sjå både sjøløver, pingvinar, flamingoar og mykje sjøfuglar.

Dag 16:
Den siste dagen i Peru brukar me til å utforska Lima, hovedstaden i landet. Sightseeing med engelsktalande guide. Men du kan sjølvsagt også bruka dei siste timane til shopping dersom du ønsker det. Om ettermiddagen blir me transportert ut til flyplassen, og reisa heim igjen til Norge startar.

Dag 17:
Me kjem tilbake til gamlelandet.

AVSLUTT FERIEN PÅ C0PACABANA

Pakken kostar kr. 7900,- pr. person og består av:
- Flybillettar
- 3 netter i dobbeltrom på Olinda Othon Hotel på Copacabana

NB! Tillegg for enkeltrom. Taxi til og frå flyplassen ikkje inkludert.

Her kan du lesa meir om: Olinda Othon Hotel

Opphaldet kan sjølvsagt gjerast lenger eller kortare.
Kr. 800,- pr. person pr. natt ekstra.

Ta kontakt for meir informasjon.

INFORMASJONSMØTER

PRIVATE TURAR

Arrangøren er medlem av Reisegarantifondet (www.rgf.no). Turen vert arrangert i samsvar med Pakkereiseloven av 1995 og Reisegarantifondet (RGF) sine retningslinjer.